Spreck & Sing up platt
26.06.2025 von – Uhr
Leiwe Lüüd,
för dei dat Hart Platt schlöcht,
Uns Plattdüütsch dörf nich koppœwer gåhn.
Un genau wi hemm de Wåhl:
Warden ok wi säng:
Mit de Lüüd, de noch Platt sprecken daun, starwt disse Språk!
Odder:
Mit de Lüüd, de Platt sprecken, dynamesisert sik disse Språk!
(Tau wecker Fraktschion hüürn Sei?)
As Malchinerin heff ik hier mien Plattdütsch lihrt.
Ik heff dat Plattdüütsche sotausäng‘ mit de Melksupp äten.
Un ik heff dissen Schatz, de in mi rinner lecht wür,
ierst in de Frömde (Brannenboch) bannig gaut kennenlihrt.
Nu führt mi mien Wech ümmer wedder nå Malchin,
un ik mit Platt unnerwägens bün:
tau de Plattdüütsch Wochen in M-V, tau Plattdüütsch in de Kirch,
tau dat Kompetenzzentrum för Nedderdüütschidaktik (KND)in Gripswold
un ok hierher tau de plattdüütsche Bäukereck von uns Malchiner Bibliothek.
Platt kann hier in de Bibliothek einen lebennigen Urt hemm.
- sik in Platt wat ut de Bäuker rutsäuken,
- sik den Text vörbereiten un em luud läsen,
- den Text vör anner Lüüd ut de Grupp läsen
sik tausåmen dorœwer freuen, denn: tausåmen is man weniger allein.
Uns Bibliothek måkt de Dörn wiet up.
Veranstalter / Veranstaltungsort
Stadtbibliothek Malchin
Steinstraße 6
17139 Malchin
E-Mail:
www.stadtbibliothek-malchin.de
E-Mail:
Öffnungszeiten:
| Mo - Mi | 10 – 12 und 13 – 16 Uhr |
| Do | 10 – 12 und 13 – 18 Uhr |
| Fr (April – Sept) | 10 – 12 und 13 - 16 Uhr |
| Fr (Okt – März) | 10 – 14 Uhr |
